18 Февраль 2026

18

Астана дарыны дарынды балалар мен талантты жастарды анықтау және қолдау орталығы ерекше білім беруді қажет ететін 5–8 сынып оқушыларына арналған «Айқын» қалалық мәнерлеп оқу байқауын ұйымдастырды. Байқаудың басты мақсаты – оқушылардың көркем сөз оқу шеберлігін дамыту, шығармашылық қабілеттерін шыңдау және талантты жастарды қолдау.

Аталған байқауға Ахмет Байтұрсынұлы атындағы №48 мектеп-лицейі оқушылары да белсенді қатысып, өз өнерлерін көпшілікке паш етті. Мектеп намысын қорғаған қатысушылар қатарында 5-сынып оқушысы Капсалям Алдияр және 8-сынып оқушысы Жаладдинова Назым бар. Олар мәнерлеп оқу барысында көркем сөздің мәнін терең жеткізіп, өздерінің шығармашылық қабілеттерін жоғары деңгейде көрсетті.

Осындай шығармашылық байқауларға қатысу оқушылардың сахна мәдениетін қалыптастырып қана қоймай, олардың өнерге деген қызығушылығын арттырып, тәжірибе жинақтауына үлкен мүмкіндік береді.

Қатысушы оқушыларымызды белсенділіктері үшін шын жүректен құттықтаймыз! Алдағы уақытта да білім мен өнер жолында биік белестерді бағындырып, жаңа жетістіктерге жете берулеріңізге тілектеспіз. Шығармашылық шабыттарыңыз артып, жарқын жеңістеріңіз көбейе берсін! ✨📚🎤

23 Январь 2026

25

2026 жылдың 30 қаңтар күні ерекше білім беруді қажет ететін 1–4 сынып оқушылары арасында «Мен және менің достарым» атты қалалық бейнероликтер байқауы өтті.

Байқаудың негізгі мақсаты – ерекше білім беруді қажет ететін бастауыш сынып оқушыларының шығармашылық қабілеттерін дамыту, сондай-ақ олардың бойында достық, өзара сыйластық және толеранттылық сияқты маңызды құндылықтарды қалыптастыру.

Сайысқа елорданың білім беру ұйымдарынан барлығы 95 оқушы қатысты. Оның ішінде:

• І санат (1–2 сынып) – 48 оқушы;
• ІІ санат (3–4 сынып) – 47 оқушы.

Аталған байқауға Ахмет Байтұрсынұлы атындағы №48 мектеп-лицейі оқушылары да белсенді қатысып, өздерінің шығармашылық жұмыстары арқылы достықтың маңызын ерекше жеткізе білді.

Байқауға:

• 1 «В» сынып оқушысы Баймұрат Сафия (жетекшісі – Сәуле Оразбаевна),
• 4 «Б» сынып оқушысы Қайырбек Айсұлтан (жетекшісі – Қаракөз Серікбаевна) қатысты.

Байқау қорытындысы бойынша 4 «Б» сынып оқушысы Қайырбек Айсұлтан ІІІ жүлделі орынға ие болды.

Осы жетістігімен Қайырбек Айсұлтанды және жетекшісі Қаракөз Серікбаевнаны шын жүректен құттықтаймыз! 🎉

Жас дарынға шығармашылық табыс, білім жолында жаңа жетістіктер мен биік белестер тілейміз. Алдағы уақытта да талмай еңбек етіп, үлкен жетістіктерге жете беруіне тілектеспіз. Мектебіміздің абыройын асқақтата беріңіздер! ✨📚

09 Декабрь 2025

19

Елордада паралимпиялық спорт түрі – «Бочча» бойынша «Самұрық» кубогына арналған қалалық жарыс өтті. Аталған сайыс ерекше білім беруді қажет ететін оқушылар арасында спортты дамытуға, салауатты өмір салтын насихаттауға және жас спортшылардың шеберлігін шыңдауға бағытталды.

Ахмет Байтұрсынұлы атындағы №48 мектеп-лицейі оқушылары жарысқа белсенді қатысып, мектеп намысын абыроймен қорғады. Сайысқа 9 «Г» сынып оқушысы Нұрболат Бексұлтан, 8 «Г» сынып оқушысы Жаладдинова Назым және 5 «Г» сынып оқушысы Капсалям Алдияр қатысты.

Жарыс барысында оқушылар жоғары дайындық деңгейін, белсенділік пен табандылықтарын көрсетті. Нәтижесінде жас спортшылар жүлделі марапаттарға ие болды.

Жас спортшыларымызды жетістіктерімен шын жүректен құттықтаймыз! Осындай жеңістеріңіз көп болып, алдағы уақытта да биік белестерді бағындыра берулеріңізге тілектеспіз.

25 Қараша 2025

30

«Астана дарыны» дарынды балалар мен талантты жастарды анықтау және қолдау орталығы ағымдағы жылдың 25 қараша күні ерекше білім беруді қажет ететін 7–10 сынып оқушылары арасында «Болашаққа қадам» байқауының қалалық кезеңін өткізді.

Байқаудың басты мақсаты – ерекше білім беруді қажет ететін оқушылардың қабілеттерін дамыту, олардың болашақ мамандыққа деген қызығушылығын арттыру және шығармашылық әлеуетін қолдау. Биылғы сайысқа елорданың түрлі білім беру ұйымдарынан барлығы 63 оқушы қатысып, өз білімдері мен шеберліктерін ортаға салды.

Аталған байқауға Ахмет Байтұрсынұлы атындағы №48 мектеп-лицейі оқушылары да белсенді қатысып, үш номинация бойынша өнер көрсетті. Нәтижесінде мектеп намысын қорғаған оқушылар жүлделі жетістіктерге қол жеткізді.

«Болашақ әлеуметтік қызметкер» номинациясы бойынша 9 «Г» сынып оқушысы Бекболат Бексұлтан грамотамен марапатталды.

«Болашақ кәсіпкер» номинациясында 8 «Г» сынып оқушысы Жаладдинова Назым жоғары деңгейде өнер көрсетіп, ІІ жүлделі орынға ие болды.

Ал «Болашақ шебер» номинациясы бойынша 8 «Д» сынып оқушысы Серікбай Зәбира грамотамен марапатталды.

Жас дарындарды шын жүректен құттықтаймыз! Осындай жетістіктеріңіз арта берсін. Білім мен еңбектің арқасында алдағы уақытта да биік белестерді бағындырып, ел мақтанышына айналатын азаматтар болуларыңызға тілектеспіз. Жолдарыңыз ашық, болашақтарыңыз жарқын болсын!