16 Март 2026

28

Жақында «Астана Дойбы федерациясы» қоғамдық бірлестігінің күнтізбелік жоспарына сәйкес балалар мен жасөспірімдер арасында «64» шаршылы дойбыдан Астана қаласының чемпионаты өтті. Аталған жарыс Мұстафа Шоқай атындағы №51 мектеп-гимназиясында өтті.

Ақыл-ой бәсекесі швейцариялық жүйе бойынша өтті.

Спортшылар төмендегі жас категориялары бойынша сынға түсті:

- 2018 жылы туған және одан төмен (қыздар, ұлдар)

- 2016-2017 жылы туған (қыздар, ұлдар)

- 2013-2015 жылы туған (қыздар, ұлдар)

Дойбы – логикалық ойлау мен зияткерлік қабілетті дамытатын спорт түрі. Бұл ойын оқушылардың ойлау, есте сақтау, елестету және ерікті әрекеттерді басқару қабілеттерін жетілдіреді.

Екі күнге созылған бұл сайыста елорданың әртүрлі мектептерінен келген тәжірибелі оқушылар бақ сынасты.

Мектебіміздің тәжірибелі оқушылары төмендегідей нәтиже көрсетті:

2016-2017 ж.т. қыздар арасында

1) 1 орын  - Акдавлетова Айару, 3 А сынып 

2) 3 орын  - Нұрұш Айсана, 3 Б сынып 

2013-2015 ж.т. ұлдар арасында

1) 1 орын - Естай Нұрали,  5 Б сынып

3) 3 орын  - Миллат Дамир ,  6 А сынып 

Белсенді қатысушылар:

1) Төрехан Нұрислам - 3 В сынып 

2) Жанбек Али - 1 Г сынып 

3) Жамбылбек Райана - 1 Д сынып

4) Болатұлы Тәуекел - 1 В сынып 

Жүлдегерлер мен жеңімпаздарға арнайы диплом, медаль және кубок  табыс етілді. 

Осы жарыстың нәтижесі бойынша жеңімпаз, жүлдегер ойыншылар разрядтық норма орындап, дойбыдан Астана қаласының құрама командасына қабылданатын болады.

Талапты да талантты оқушыларымызды және олардың жаттықтырушысы Исаев Сержан Іздәшұлын жетістіктерімен құттықтаймыз!!!

Ерекше қолдау көрсеткені үшін ата-аналары мен сынып жетекшілеріне зор алғыс білдіреміз!!!

29 Декабрь 2025

74

✨ Ғылыми жобалар сайысында жүлделі ІІ орынды иеленіп, республикалық кезеңге жолдама алған Рахимбек Кәусарды  шын жүректен құттықтаймыз!

Ізденіс пен табандылықты талап ететін бұл байқауда оқушы өз білімін, ғылыми ойлау қабілетін және зерттеушілік дағдыларын жоғары деңгейде көрсете білді. Бұл жетістік – оқушының еңбегінің және  ұстазы Хозыбай Айжанның  бағыт-бағдары мен қолдауының нәтижесі.
Алдағы уақытта да биік белестерді бағындырып, ғылыми ізденіс жолында толағай табыстарға жете беруіне тілектеспіз!

12 Март 2026

32

Жақында Ғылым және Білім беру қызметкерлері арасында жылдам шахматтан Астана қаласының чемпионаты өтті. 

Бұл чемпионат - 2026 жылғы Сенат Кубогының 1/8 финалы.  

Ақыл-ой сайысында 120-дан аса шахматшы бақ сынасты. 9 турдан құралған жарыс швейцариялық жүйе бойынша өтті. Әр ойыншыға 10 минут және  әр жүріске 5 секунд берілді.

Мектебіміздің төмендегі ұлағатты ұстаздары мектеп намысын қорғап, шахмат ойынының қыр-сырын игеріп, мол тәжірибе алып қайтты:

1. Сагимбаева Дария Мухтаровна

2. Шонова Алия Куанышбековна 

3. Радолда Естай 

4. Мұхтар Нұрдәулет Мұхтарұлы

5. Жиеналин Ғалымжан Бақытжанұлы

6. Исаев Сержан Издашович 

Ойын нәтижесі бойынша Сенат Кубогының 1/4 финалына шахмат мұғалімі Исаев Сержан жолдама алды. Құттықтаймыз!!!

Дүбірлі додаға белсене қатысқан шахматшы әріптестерімізге шексіз алғыс білдіреміз!!!  

Болашақта талантты ұстаздарымыздың биік белестерді бағындыруларына тілектеспіз!!!

28 Декабрь 2025

31

Жалпы білім беретін пәндер бойынша аудандық кезеңде  жүлделі орын алған  9-10-11 сынып оқушыларын құттықтаймыз!